Nakatalaang magpadara an South Korea nin chartered plane sa Atlanta sa Miyerkules tangani maibalik liwat an mga obrero na naka-ditene huli sa mahewasang immigration raid kan nakalihis na semana sa car battery plant sa US state of Georgia.
An Korean Air Boeing 747-8i plane na may 368 seats an malupad gikan South Korea’s Incheon pasiring Atlanta, sigun sa sarong tagapagtaram.
Kan nakalihis na US immigration raid, mapakol sa nasa 300 South Koreans an kabali sa 475 katawo na pig arestar sa site kan $4.3 billion project kan Hyundai Motor asin LG Energy Solution tangani mag produsin nin baterya para sa mga electric cars.
Nakatalaan man na mag pasiring Washington si South Korean Foreign Minister Cho Hyun tangani makipag negosasyon sa mga isyu siring na sana sa pag hahagad nin kasiguraduhan na an mga nakakarsel na Koreans an tutugutan na mag re-entry sa Estados Unidos.
An nasambitan Neg raid an pinakadakulang single-site enforcement operation sa bilog na historya kan Department of Homeland Security’s investigative operations, na kun saen nagkawsa man nin mahewasang pagkabigla sa bilog na nasyon kan South Korea, an US ally naghihinguha nang ma- finalise an trade deal na pig uyunan man kan lado kan Washington kan nakalihis na bulan nin Hulyo.
