Dae kumbinsido si Senate President Vicente “Tito” Sotto III sa desisyon kan Korte Suprema na dagusang ibasura an Motion for Reconsideration kan Kamara katakod kan impeachment complaint kontra ki Vice President Sara Duterte.
Sa paghampang ni Sotto sa media kasuodma, pighurot kaini na an nagin lakdang kan Korte Suprema an sarong panghihimasok sa proseso kan lehislatura.
Sigun ki Sotto, malinaw soboot ining pagbalgar sa eksklusibong kapangyarihan kan Kongreso na nakasaysay sa Konstitusyon.
Pigpunto pa kan Senate President na bako sanang let an naapektaran sa desisyon kan Korte Suprema, kundi magin an mismong Konstitusyon.
Dugang pa ni Sotto, na garo malinaw an direksiyon kan korte na dae na kaini mawot na magkaigwa nin proseso kan impeachment sa nasyon.
Mientrastanto, nilinaw ni Sotto na an saiyang pahayag an dae nagtutukoy kontra sa sisay man na indibidwal.
Enot digde, dagusan nang ibinasura kan Korte Suprema an reklamong impeachment kontra ki Vice President Sara Duterte.
Basado sa desisy9n kan Supreme Court En Banc, pinagtibay kaini na an ikaapat na reklamong impeachment na ipinadara sa Senado kan nakalihis na Pebrero 5, 2025 an pagbalgar sa Article XI, Section 3, Paragraph 5 kan Konstitusyon.
Pigtawan-duon man kan Korte an pagkakaiba kan duwang paagi kan impeachment — an enot, an nag-aagi sa Committee on Justice, mantang an ikaduwa an pwedeng direktang maisakatupadan kun igwang pirma kan dae mababa sa isang-katlong miyembro kan Kamara.
Sa kampo man kan Korte Suprema nilinaw kaining an saindang desisyon an dae nagpapawarang sala sa bise presidente sa mga reklamong pigkakahampang kaini.
Katakod kaini, nagpasalamat man si Vice President Sara Duterte sa saiyang legal team asin sa saiyang mga tagasuporta makalihis an iniluwas na desisyon kan korte.
