Pig-anunsyar kan Social Security System (SSS) an mas pinarekas asin pinaluwag na panundon sa saindnag Calamity Loan Program (CLP) tanganing tulos na makapagtao nin tabang-pinansiyal sa mga miyembro asin pensyonadong apektadl kan kalamidad, orog na makalihis an panlalamasa kan bagyong Crising asin an nagpapadagos na Habagat.
Sigun sa SSS, sa irarom kan bagong guidelines, magigin available an calamity loan pitong aldaw makalihis ideklarar an sarong sa state of calamity – kumparar sa dating haros sarong bulan na proseso.
Apwera digde, pigbaba man sa 7% an interes rate gikan sa dating 10%.
Obheto kan bagong panundon na matawan nin tulos na tabang-pinansiyal tanganing maibasan an epekto kan kalamidad asin makatabang sa pagbuhar kan mga miyembros kaini.
Kan nakalihis na taong-2024, haros P10 billion an naiheras na calamitybloan sa labi 560,000 miyembros kan SSS.
Ngunyan na taon, P20,000 billion an piglaan kan ahensiya para sa programa.
Mga dapat tandaan sa pagkua nin SSS calamity loan:
- Igwang dae mababa sa 36 na monthly contributions, anom digde an kaipuhang nasa laog kan huring 12 buwan.
- Para sa self-employed, voluntary members, asin OFWs: kaipuhan na igwang anom na hulog sa irarom kan presentent membership.
- Dapat mayong past due loans o final benefit claims.
- Kaipuhan na rehistrado sa My.SSS portal asin mag-apply online sana.
- Maximum loanable amount: P20,000
- Babayadan sa laog nin 24 buwan, igwang 1% service fee.
- Pag-Ibig Fund calamity asin insurance claims
Mientrastanto, nagpagiromdom man an
Pag-Ibig Fund kan mga primerong requirements para sa saindang calamity loan:
- Calamity loan application form (filled out)
- Valid ID
- Proof of income o sertipikadong kita gikan sa employer
- Pag-Ibig Loyalty Card Plus
Para sa mga may housing loan insurance claim huli sa danyos:
- Non-life insurance claim form
- Report of loss
- Cost of damage o bill of materials
- Ladawan kan naraot na property (colored)
- Duwang valid ID na igwang pirma
