Aram baya nindo mga ka-bombo, sarong Austrian daredevil pigsilaban an sadiri mantang pigguguyod an sarong lunadan sa distansyang 328 feet sa laog kan 56.42 seconds tanganing maipuli an titulo sa Guinness World Records.
Binisto an lalaki na si Josef Tödtling kun saen ini an enot na tawo na makaputan an nasambitan ng record para sa pinakamarekas na 100 meter car pull mantang nagliliyab sa kalayo an saiyang lawas.
Sarong video kan nasambitan ng pagpurbar an ipinahiling ni Tödtling kun saen igwa man nakasuportang team na igwang bitbit na fire extinguisher komo preparasyon enkaso magkaigwa nin insidente.
An support team kan nasambitan ng lalaki an naggamit nin tolong fire extinguishers tanganing malikayan na masulo an saiyang lawas.
Mientrastanto, nakapagpuli naman nin manlaen-laen na record si Tödtling kun saen nagseserbeng motibasyon kaini para sa mga masunod pang plano sa futuro.
