Nagsuko na sa German Police an 26-anyos na lalaki na soboot suspek sa knife attack sa sarong festival sa Germany na nagin rason sa pagkagadan kan 3 sibilyan.
Ini an makalihis an pirang aldaw na pag iimbestigar kan kapulisan katakod sa pagkagadan kan lalaking nasa edad 56-anyos asin 67-anyos magin kan sarong 56-anyos na babae.
Sigun sa mga police an supek an sarong syrian asin nag-abot sa nasyon kan Germany kan nakalihis na December 2022.
Katakod kaini, pig-ako man kan Islamic State group sa Germany an paninimbagan alagad dae tolos nagtao nin anuman na katibayan sa koneksyon sa suspek.
Mientrastanto, pigsaysay kan Germany’s federal prosecutor na posibleng hampangon kan suspek an mga kasong murder, attempted murder asin membership sa foreign terrorist organisation.
