NAGA CITY – Nagdeklarar na nin suspension of classes sa gabos na lebel sa mga pampubliko asin pribadong eskwelahan sa syudad nin Naga.
Apwera sa pagsuspendir kan klase, amay man na pinapuruli an mga empleyado kan lokal na gobyerno kan syudad.
Ini basado sa ipinaluwas na memorandum ni Acting Mayor Nene De Asis huli sa huma kan Tropical Depression ‘Jenny’.
Mientrastanto, sinuspendir naman kan nagkapirang mga Local Government Units (LGUs) sa CamSur an klase sa gabos na lebel kunsaen sa enot na abiso ni Camarines Sur Gov. Mgz Villafuerte, enot kaining sinuspendir an mga klase gikan sa Pre-School hasta sa Junior High School sana.
Mientrastanto, mahigot man an pigigibong monitoring kan mga otoridad sa Naga River asin Bicol River kunsaen kadakol na lugar an pwedeng maapektuhan enkaso magsupay an tubig.
