Nakapagrehistro nin duwang pagsabog an bulkang Taal sa probinsya kan Batangas sa laog kan 24 oras, sigun sa Philippine Institute of Volcanology and Seismology (Phivolcs).
Sa 5:00am bulletin, pigreport kan Phivolcs an limang minutos kan phreatic eruption asin man sarong 13 minutong phreatomagmatic blast, dae naman binanggit an eksaktong oras na nangyari ini .
Kan nakalihis na Miyekules, sarong minor phreatomagmatic eruption an nangyari sa bukana kan Taal magpuon alas 2:02 nin pagkaaga hasta 2:15 am.
Tinukoy kan US Geological Survey an phreatic eruptions komo mga steam-driven explosions na nangyayari enkaso an tubig sa irarom kan daga an pinainit kan magma, lava, mainit na gapo, o bagong nabilog na mga deposito kan bulkan.
An mga phreatomagmatic eruptions, sa ibong na banda, nangyayari kun nag-interact an magma asin tubig, na humahantong sa pagbuga kan singaw asin pyroclastic fragment.
Naka-detect man an Phivolcs nin 10 volcanic earthquakes, na sinalakan nin apat na volcanic tremors na naghaloy nin duwa hasta sa apat na minutos.
Nilinaw kan ahensya na an mga volcanic earthquakes an nagpupuon sa mga aktibong bulkan asin nagpapahiling nin mga natatanging pattern na nailaladawan sa saindang “mode of arrivals, periods, asin amplitudes.”
An mga pagyugo-yugo kan bulkan, an dagos-dagos na seismic signal na may regular o dae regular na pattern kan alon asin hababang frequency.
Sa pinakahuring monitoring period, pigreport kan Phivolcs na an Taal nagluwas nin 1,892 metric tons kan sulfur dioxide, na naglangkaw nin 600 metro sa duros. An Alert Level 1, an nagtitinir na may bisa sa Bulkang Taal.
Nagpatanid an Phivolcs na pwede pa man na mangyari an biglaang steam-driven o phreatic eruptions, minor phreatomagmatic activity, ashfall, asin pagluws nin volcanic gas.
Padagos na ipinagbabawal kan mga awtoridad an paglaog sa Volcano Island, an permanenteng danger zone kan Taal, partikular sa laog kan main crater asin an Daang Kastila trail.
An mga lunadang panghimpapawid an dae man pig-inkaminar na maglupad sa lugar, huli ta an abo gikan sa biglaang pagsabog an pwedeng magkawsa nin mga peligro.
