Matrayumpong an Taiwan Coast Guard (TCG) itinaboy an mga Chinese fishing boat na nagpupumilit maglaog sa saindang restricted waters harani sa Dongsha Islands.
Ginibo ini kan TCG sa paagi kan paggamit nin water cannon tanganing mapahali an mga barko.
Duwang Chinese fishing boat an matrayumpong na napaalis; an saro tulos naghali matapos an babala, mantang an ikaduwa ginamitan nin water cannon huli sa paghabo maghali.
An nasabing lugar kan dagat, na kontrolado kan Taiwan asin parte kan South China Sea, padagos na binabantayan kan TCG.
Segun sa Taiwan CG, padagos nindang namomonitor an pagprobar kan dakol pang Chinese fishing vessel na maglaog sa restricted waters.
Huli kaini, nagpapabilin na nakadeploy an saindang mga barko sa lugar tanganing bantayan an sitwasyon.
Sa ibong kaini, nagreport man an Taiwan Ministry of National Defense nin pagkaaram sa 23 Chinese military aircraft, seven naval vessels, asin pitong official ships na nag-ooperate sa palibot kan estado.
An mga ini namonitor poon kan aga kan October 1 sagkod October 2.
