Tambak nin basura an nagtambad sa mga personahes kan MMDA, makalihis maghupa an putukan sa pagsabat sa bagong taon.
Sangkaterbak na basura an pigwalat sa Samson Road, Sangandaan, Caloocan City, siringman sa Sta. Cruz, Manila asin iba pang mga lugar.
Kadaklan sa mga ini an patos kan pinagkakanan asin cover kan mga firecrackers asin pailaw.
Alagad nag-abiso an MMDA, na dae basta puruton an paputok na hasta sa ngunyan an manunutaran pa sa ibang lugar, orog na kun bilog pa ini nin huli ta delekadi na dagusan ining magsabog.
Sigun man sa mga otoridad, basaon muna ini ini asin isuway ante i-dispose nin dagusan. Pig-patanidan man an mga maguran na dae pagtugotan an saindang mga aki na kuanon asin ipunn an mga may pulburang basyo nin pailaw o paputok nin huli ta posibleng ma-trigger ini nin sarong simpleng spark asin magkawsa sa pagkasulo o pagsabog.
