Pigsierto kan Independent Commission for Infrastructure (ICI) na nakapreparar na an saindang technical team para sa promisang livestreaming kan saindang mga pagdangog.
Sugun ki ICI Executive Director Atty. Brian Keith Hosaka, nagsasagibo na sinda nin mga test run tangani masierto na naggagana an gabos kan saindang sistema asin kagamitan.
Ini an tangani maisapubliko an mga impormasyong mawot na iheras kan resource persons sa kada hearing asin tangani na malikayan an mga pagdududa.
Sa ngunyan, pinag-uulayan pa an “retroactive” livestreaming guidelines kan ICI.
Sinaysay ni Hosaka na posibleng isapubliko ang mga testimonya kan mga resource persons o testigo na primerong naghampang sa komisyon.
Alagad, kaipuhan pa digde an consent, asin exempted man sa general rule kun laog sa executive session an hearing.
