Aram baya nindo mga ka-bombo, pigkokonsederar kan mga motorista na nag-aagi sa tinampo na pig-aapod na D915 sa pag-ultanan kan banwaan nin Of asin Bayburt sa Eastern Turkey na ini an pinakadelikadong agihan sa bilog na kinaban.
Marurumduman, sa halawig na panahon an Yungas Road sa Bolivia na pigbisto komo Death Road an nagkakapot kan unofficial title na world’s most dangerous road.
Alagad, para man sa mga adventurers, igwang dae masyadong popular na tinampo na kayang lampasan an Death Road kung pag-uulayan an sakit na pinag-aagihan kan mga motorista maka-agi sana digde.
An nasambitan ng lugar an nagkokonektar sa Norteng-Sirangan kan Anatolia Province pasiring sa Black Sea, an D915 na tinampo an igwang kadakol na likuan asin peligrosong drop-off na maski an pinakamtibay na driver an nasasakitan mag-agi digde.
