Piglunsar kan Social Security System (SSS) asin Philippine Health Insurance System an transparency portal tanganing magin transparent an transaksyon kan duwang tanggapan kan gobierno.
Sigun ki Department of Information and Communications Technology (DICT) Secretary Henry Aguda, an lakdang parte kan kampanya sa panahon ngunyan na napapatos sa sa mga anomalya sa infrastructute program.
Sigun pa ki Aguda, powered kan artificial intelligence (AI) an duwang website kun saen pupwedeng busision kan publiko an mga proyekto asin kun paano ginastos an kwarta kan taumbayan.
An nasambitan na portal piglunsar kan DICT sa tahaw kan anomalya sa flood control projects.
Dugang pa ni Aguda, pirang tanggapan na kan gobierno an nagpahayag nin kapreparaduhan na magkaigwa kan transparency portal asin ngunyan maeenot an mga government-owned and controlled corporation (GOCC) huli available na an saindang mga data.
Nagkaigwa na man kan transparency portal an Department of Public Works and Highways (DPWH), Social Security System (SSS) asin Philippine Heath Insurance Corp. (PhilHealth).
Mayo naman timeline kun nuarin magkakaigwa kan transparency portal an executive agencies alagad ngunyan nakikipag-ulay na an saindang grupo sa DepEd, DOH asin Department of Agriculture dapit digde.
Pinatotoohan pa ni Aguda, an transparency portal sarong public portal kaya pupwede ining gamiton ebidensiya sa korte.
