NAGA CITY – Nagpuon nang maghiro an prusisyon kan ribo-ribong deboto ni Nuestra Señora de Peñafrancia para sa Traslacion Procession sa ciudad nin Naga.
Pasado alas 11:00 kansubago kan isinarado na man an mga tinampo na aagihan kan nasambitan ng prosisyon puon sa Penafrancia Shrine pasiring sa Metropolitan Cathedral, kun sain matinir
ini sa laog kan siyam na aldaw.
Sa maabot na Sabado, Setyembre 16, liwat na ihahatod an saiyang imahe sa Basilica Minore sa paagi kan Fluvial Procession na maagi sa Naga River.
Meintrastanto, paramientras man nawaran nin signal an gabos na mobile networks sa bilog na ciudad katakod kan ipinaotob na signal jamming kan Philippine National Police (PNP).
Katakod na man ini kan mas pinahigot na security plan para sa Traslacion Procession ngunian na aldaw asin nagkapirang darakulang okasyon arog kan Fluvial Procession sa masunod
na semana.
Ini na an ika-307 years debosyon ki Ina na minemerar komo Patrona kan Bicol na pigtutubudang milagroso asin huli sa taun-taong pagbulos kan mga deboto sa ciudad bistado na man an Naga City sa apod na pilgrim City.
