Nagsangat nin reklamo perjury Si dating senador Antonio Trillanes sa Department of Justice (DOJ) kan Huwebes, Marso 5, laban sa 18 dating Marines asin iba pa may koneksyon sa mga alegasyon na imbuelto saiya asin sa mga imbestigador kan International Criminal Court (ICC).
Nagsangat man nin mga reklamo sa cyber libel laban ki Atty. Levito Baligod, dating congressman Mike Defensor, dating broadcaster na si Jay Sonza, dating tagapagtaram kan NTF-ELCAC na si Lorraine Badoy asin vlogger na si Cathy Binag.
Enot nang nagsangat nin reklamo si National Security Adviser Eduardo Año huli sa pagbalga kan Artikulo 154 kan Revised Penal Code (Unlawful Utterances and Publication) kasabay kan RA 10175 (Cybercrime Prevention Act of 2012) sa DOJ kan Miyerkules kontra sa 18 dating soldados, Atty Atty. Baligod asin Defensor huli sa suboot “malicious and fabricated” na akusasyon.
