Matao an gobyerno kan syudad nin Naga matao nin P2,000 na subsidiya sa mga trimobile drivers digdi na rehistrado sa trimobile operators’ and drivers’ association (TODA).
Sa entrivista kan Bombo Radyo Naga ki Gil Belen, Federation of ETrike/Trimobile Operators’ and Drivers’ Association (FETODA), sinabi kaini na base sa ipigkundusir na appropriations asin transport committee hearing sa Sangguniang Panlungsod igwa nin nakataga na P2,000 na subsidiya sa mga trimobile driver’s an lokal na gobyerno kan syudad.
Suway ini sa P5,000 na fuel subsidy hale sa gobyerno nasyonal sa mga trimobile drivers sa syudad na nakatalaan na idistribwer kan Department of Social Welfare and Development (DSWD) sa maabot na Abril 10 .
Segun ki Belen, mas magayon kun itatao sa sainda an ayuda kan Naga City Hall sa pormang groceries, bagas asin P1,000 para sa gasolina. Dugang pa ni Belen na sa pormang iyan, awtomatiko nang magkakaigwa nin kakanon an pamilya kan mga benepisyaryo asin siguradong dae mauubusan sa pagbayad nin utang o bisyo an itatao na ayuda.
Naglalaom si Belen na pag-oolayan an dugang na ayuda para sa sainda sa gigibuhon na regular na sesyon sa Martes Santo tanganing tulos ining maiimplementar bilang sarong ordinansa.
