Orog pang nagkusog an bagyong Emong rason tanganing dagusan na kaining maaabot an Typhoon category .
Padagos na naghihiro an bagyo patungo sa parte kan Northern Luzon kun saen piglalaoman an panduwang landfall kaini sa Ilocos Sur o La Union ngunyan na aga.
Makalihis kaini an babagtason kan bagyo an mountainous terrain kan Northern Luzon antes na magluwas sa Babuyan Channel antes mag-udto.
Mahiro man an bagyo sa direksyon na northeastward asin piglalaoman na marani sa Babuyan Islands ngunyan na udto o hapon.
Marani an bagyo sa parte kan Batanes atyan na hapon o bangi.
Hulring nahiling an sentro kan bagyong Emong sa coastal waters kan Bangar, La Union.
Taglay na kaini an kusog kan duros na nagpapakol sa 120 km/h harani sa tahaw asin pagbugso na nagpapakol sa 165 km/h.
Naghihiro an bagyo pa Hilagang-silangan na direksyon sa rekas na 20 km/h.
Huli sa pagkusog kan bagyo asin pagrani kaini, nakabandera na an Tropical Cyclone Wind Signal 4 sa southwestern portion kan Ilocos Sur asin northern asin central portions kan La Union.
Nakabandera man an Tropical Cyclone Wind Signal 3 sa southern portion kan Ilocos Norte,natatadang parte kan Ilocos Sur, La Union, western portion kan Apayao Abra,western portion kan Kalinga, western portion ng Mountain Province, western portion kan Benguet asin northern portion kan Pangasinan.
Natatadang parte kan Ilocos Norte, natatadang parte kan Pangasinan,northern portion kan Zambales, natatadang parte kan Apayao, Kalinga, Mountain Province, nalalabing bahagi ng Benguet, Ifugao, Batanes, Cagayan kabali na an Babuyan Islands, northern asin western portions kan Isabela, western asin central portions kan Nueva Vizcaya, northwestern portion kan Nueva Ecija asin northern portion ng Tarlac .
Natatadang parte kan Isabela, Quirino, Nueva Vizcaya, northern asin central portions kan Aurora, natatadang parte kan Nueva Ecija, Tarlac, western asin central portions kan Pampanga,natatadang parte kan Zambales, asin northern portion kan Bataan .
Sa pagbagtas kan bagyo sa mountainous terrain kan Northern Luzon, piglalaoman na maluya ini antes na dagusang magluwas Philippine Area of Responsibility sa aldaw nin Sabado o Domingo .
Padagos man na makakaapektar an southwest moonson o habagat sa parte kan nasyon na magdadara nin mga magagabat na pag-uran.
Pigbabantayan man an saro pang bagyo na nasa luwas kan satuyang PAR na igwang rayong 2,220 km sirangan kan Central Luzon mantang nakaluwas naman sa PAR an bagyong Dante.
