Inanunsyar kan U.S. Department of Health and Human Services (HHS) na binawi kaini an $60 million pondo para sa Harvard University huli sa soboot kabiguan kan unibersidad na simbagan an antisemitism asin man diskriminasyon para sa mga katutubong kultura sa saindang kampus.
Sigun sa HHS, parte ini kan mas mahewas na kampanya kan gobyerno kontra sa mga unibersidad sa Estados Unidos na soboot naimpluwensyahan kan mga makakaliwa.
Basado sa datos gikan Enero kan taong ini haros $3 billion na an nauntok o binawing pondo para sa Harvard.
Binatikos an Harvard huli sa soboot pagpapabaya sa diskriminasyon laban sa mga estudyanteng Hudyo, katakod kan mga pro-Palestinian na kilos-protesta kan nakalihis na taon.
Inakusaran man an unibersidad kan padagos na paggamit kan lahi sa admission process.
Mientrastanto dae pa nagpapaluwas nin pahayag an Harvard, alagad enot na kaining sinabi na dae kaini kayang saluhon an kabilogang gastos gikan sa nawarang pondo asin man nagsunad na man ini nin kaso kontra sa administrasyon ni Trump.
