Pinatanidan ni US President Donald Trump na dae sinda maduwa-duwang isipa na makiaram kun igwang ginadan an mga otoridad kan Iran sa mga nagsasagibo nin matoninong na hiro-protesta.
Sigun sa US President na nakapreparar na sinda anuman na oras. Dae man nagustuhan ini ni Iranian Supreme Leader Ayatollah Ali Khamenei kun saen pinag-iingat si Trump na magkaigwa nin kariribokan sa bilog na Middle East kun makiaram an US.
Mapakol na sa walong katawo an binawian nin buhay sa haros sarong semanang mahewasang hiro protesta.
Nagsagibo nin hiro protesta an mga mamamayang Iran huli soboot sa naglalalang ekonomiya kan saindang nasyon kaibahan na an pagbaba kan kantidad kan Iran riyal kontra sa US Dollar.
Marurumdumang kan nakalihis na Hunyo, nagsagibo an US nin airstrike sa nuclear site kan Iran na ini an basado sa direktang kasuguan ni Trump.
Komo balos, inatake man kan Iran an mga base militar kan US na manunutaran sa Qatar.
