Pighayag ni President-elect Donald Trump na tatawan kaini nin 90-aldaw na extension an TikTok puon kan ma-ban ini na nagpuon kasuudma, Enero 19, 2025, sarong aldaw antes an ika-47 inauguration ni Trump ngunyan na aldaw nin Lunes komo presidente kan Estados Unidos.
Sa sarong entrevista, sinaysay ni Trump na an extension an angkop asin matao ini nin pormal na anunsyar kun ini an nanumpa na sa pwesto.
Pigsaysay kaini an parehong pahayag sa entrevista kaini sa sarong sa local news kun saen tinawan-duon kaini an magigin desisyon kaini dapit sa nasambitan ng isyu. Ini an katakod kan sarong desisyon gikan sa Korte Suprema kan Estados Unidos na nagbabawal sa TikTok apwera na sana kun an parent company kaining Chinese na ByteDance an mapabakal nin platform antes an nakatalaang aldaw kaini kan pag-ban kasuudma. Alagad nagsayuma an ByteDance na ipabakal an nasambitan ng platform.
Komo kasimbagan, nagpatanid an TikTok na posibleng magdiklom o dae na pwedeng magamit nin isayman sa Amerika kun dae tatawan nin kasiertohan kan administrasyong Biden an mga service provider na dae ipautob an pagbabawal na gamiton ini para sa mga Amerikano.
Pig-apod kan tagapagtaram kan White House na si Karine Jean-Pierre na sarong “stunt” an patanida kan TikTok asin sinabi na an pagpapautob kan ley an responsibilidad na kan administrasyong Trump.
Sinaysay man kaini na malinaw na naipaabot kan administrasyong Biden an saindang posisyon asin anuman na alalahanon an dapat hampangon na kan bagong administrasyon.
