Nag-alok an Ukraine sa Russia nin paramientas tigil-putukan sa mga sibilyang target sa Black Sea, makalihis magdakol an mga pag-atake sa mga barko asin daungan na ginagamit sa pag-export kan mga produktong agrikultural kan nasyon.
Naaraman na ipinadara kan Kyiv an alok sa pamamaagi kan sarong third party kun sain nahahalat pa ng simbag sa Moscow.
Kapwa tigaakusahan kan Russia asin Ukraine an kada saro kan pag-atake sa mga barkong ginagamit sa saindang mga exports.
Napag-araman man pirang shipping companies na an naglilikay na mag agi sa Odesa, na tigtuturing na importanteng sentro kan grain exports kan Ukraine.
Mientrastanto, napiritang suspendihon kan Russia an operasyon sa tulong terminal sa Black Sea port kan Novorossiysk makalihis suboot atakihin kan Ukraine, na pwede makaapekto man sa grain exports kan Moscow.
Sinabi man kan Russian Deputy Foreign Minister na si Alexander Grushko na mayo pa sindang nareresibe na pormal na pabor para sa ceasefire sa Black Sea.
