Kinondinar kan United Nations an ginibong airstrikes kan US sa mga bangka na nagdadara nin iligal na droga sa Caribbean asin Pacific Sea.
Sigun ki UN human rights chief Volker Turk na sarong maikokonsiderar na “extrajudicial killing” an ginibong ini kan US.
Dugang pa kaini na bakong kaako-ako an ginigibo kan Washington asin nagkakanigo na tulos iuntok na ini. Nangapudan man ini nin imbestigasyon dapit sa nasambitan ng insidente.
Marurumdumang labi sa 60 katao na an binawian nin buhay sa nagkapirang insidenteng airstrike kan US sa mga bangka na nagdadara nin iligal na droga sa Pacific asin man Caribbean Sea.
Advertisement
Pigkokonsiderar ni US President Donald Trump na an ginigibo ninda an tangani mauntok na an paglakop kan iligal na droga sa lugar.
Advertisement
