Nairehistro kan International Health Regulation National Focal Point kan Estados Unidos sa World Health Organization (WHO) an padagos na measles outbreak sa nasyon, na pogkokonsiderar na dae pangkaraniwang kaganapan huli man sa dakulang potensyal na epekto sa salud kan publiko.
Magpuon kan Enero 1 hasta Marso 20, 2025, nairehistro an 378 kaso kan tigdas, kabali na an duwang pagkagadan, an primerong pagkakataon sa laog nin sarong dekada na igwa nin nairehistrong pagkagadan huli sa nasambitan ng helang sa Estados Unidos.
An kadaklan nin mga kaso iyo an sa mga kaakian na dae nabakunahan o dae sigurado an status kan bakuna, asin man tulong mayor na outbreak ang nangyari, na pig bibilog kan nasa 90% nin mga kaso.
Naireport man an mga kaparehas na kaso sa Mexico, mantang an Centers for Disease Control and Prevention (US CDC) asin iba pang ahensiya ay nagtatabangan tangani ma-control an outbreak.
Pigkokonsiderar na eliminated an tigdas sa Estados Unidos kan nakalihis na taong 2000, alagad nagtitinir na problema an imported cases, asin man sa ngunyan, presenteng nakikipagtabangan an WHO sa mga nasyon sa Region of the Americas tangani malikayan an pagkuriyat asin an liwat na paglataw man helang na tigdas.
