Ipinaapod kan Denmark an mayor na diplomat kan Estados Unidos sa saindang nasyon makalihis magluwas nin report na may tulong Amerikano, na may koneksyon soboot ki U.S President Donald Trump, an imbwelto sa ”influence operations” o pagporbar na impluwensiyahan an pulitika sa Greenland.
Sigun ki Danish Foreign Minister Lars Løkke Rasmussen, bako nang makangalas na may mga banyagang nasyon na interesadong maka-impluwensiya sa Greenland, alagad bakong kaako-ako an ano man na panghihimasok sa panlaog na urulay kan Kahadian kan Denmark.
Kinumpirmar man kan U.S. State Department na nagkaigwa nin pag-uulay sa pag-ultanan kan Danish Foreign Ministry asin man kan U.S. Chargé d’Affaires na si Mark Stroh, alagad nagsayuma ining magtao nin komento sa mga aksyon kan mga private citizen kan Amerika sa Greenland.
Marurumdumang makapirang urit nang ipinahayag ni Trump an kagustuhang bakalon an Greenland, na maduong tinutulan kan mga opisyal kan Denmark asin Greenland.
Sigun man sa Danish Security and Intelligence Service, may mga pagporbar rauton an koneksyon kan Denmark asin Greenland sa paagi kan ”influence campaigns” asin man disinformation.
