Papahirason kan US State Department an saindang screening sa social media accounts kan mga foreign journalist na nag-aapply nin visa nganing magtrabaho sa Estados Unidos.
Ang lakbang ay sa ibong sa irarom n pinahiras na polisiya kan administrasyon ni U.S. President Donald Trump kan magpuon an ika duwang termino kaini kan Enero 2025.
Kinakaipuhan man gibuhong publiko kan mga aplikante an saindang social media accounts ngani mapag adalan kan mga opisyal kan US.
Nagsairarom man sa kaparehong screening an mga aplikante para sa pirang work visas kan mga trabahador hali sa Canada asin Mexico.
Alagad dae kinumpirma kan US State Department an nilalaog kan internal memo, sinabi kaining ginagamit an inaapod na “online presence vetting” nganing masiguro na kwalipikado an mga aplikante sa irarom kan batas kan Amerika asin bakong peligro sa pambansang seguridad, kaligtasan kan publiko, o pambansang interes.
Segun pa sa ahensya, gumagamit an mga visa officer nin manlainlain na paagi sa nin mga aplikasyon nganing maiwasan an pandaraya asin maprotektahan an seguridad kan bansa.
Dae pa malinaw kun nuarin ipautob an pinahiras na patakaran.
Kan naka aging bulan, naghigot man an Department of Homeland Security (DHS) sa mga patakaran sa pagtitinir kan mga foreign journalist, international students, asin iba pang visa holders sa Estados Unidos.
Huli dito, nagpahayag nin pagirumdom ang nagkapirang civil liberties advocates, na nagsabing pwedeng maapektuhan an saindang freedom of speech.
Nainot nang sinabi kan U.S. Citizenship and Immigration Services (USCIS) na inaaram man kaini an social media posts kan mga immigrant asin visa applicants, kabali an mga itinuturing kaining antisemitic o anti-American.
Bukod digdi, kinansela man kan administrasyon an visa kan pirang foreign students na sangkot sa pro-Palestinian protests asin tig pursige mang ipa-deport an pira sa sainda.
