Pinatawan kan Amerika nin sanctions si International Criminal Court (ICC) president Tomoko Akane kaiba si Abdoulaye Seye, na nagtitindog na senior trial attorney sa prosecution team na humihiling kan arrest warrant para kay Israeli Prime Minister Benjamin Netanyahu asin nanomina para sa eleksiyon bilang ICC judge.
Kinumpirma ini ni US Secretary of State Marco Rubio sa sarong statement sa bisa kan executive order ni US President Donald Trump kan nakalihis na taon na nagootorisa sa pagpataw kan mga sanction kontra sa korte.
Ipig isplikar ni Rubio an pagpataw kan sanctions kina Akane asin Seye. Suboot, direktang nakibahagi an duwa sa mga pagpupursige kan ICC na mag-imbestiga, mag-aresto, magkulong, o umusig sa mga opisyal na an gobyerno an dae sumang-ayon sa hurisdiksiyon kan ICC.
Kinondena man kan tribunal an lakbang kan Estados Unidos asin sinabi sa sarong statement na kapag pinagbabantaan an mga kinatawan kan tribunal huli sa pagpapautob kan batas, an mismong international legal order suboot an nalalaag sa peligro.
Kan nakalihis na taon, pinatawan kan US an pira pang opisyal kan ICC kabali an mga prosecutor asin judge, huli sa arrest warrant kay Netanyahu, na harani na kaalyado ni Trump, asin kay dating Israeli Defense Minister Yoav Gallant segunman sa nakalihis na imbestigasyon sa US troops sa Afghanistan.
Kabali sa mga sanction kan Amerika ay an pag-freeze sa anumang US assets na igwa an mga ICC judges asin prosecutors asin pagtanggal sa sainda hali sa US financial system, na may harani na konesiyon sa halos gabos kan mga bangkong nagooperate internationally.
Nagluwas man an US Treasury nin general license kaning Martes na nagootorisa para sa “wind-down” o padiit diit na pagtapos sa mga transaksiyong may katakod kina Akane asin Seye hasta sa Setyembre 17.
