Pigtawan ni United States President Donald Trump nin deadline si Ukraine President Volodymyr Zelensky hasta Nobyembre 27 o Thanksgiving Day sa Amerika, tanganing akuon an kontrobersiyal na 28-point peace plan.
Piglinaw ni Trump na bako ini an “final offer” o huring tangro kaini asin piglalaoman na matatapos na an giyera sa tahaw kan Ukraine asin Russia.
Nagpahayag nin pagkahadit an mga lider gikan sa Europa, Canada, asin Japan dapit sa pigbubusol na 28-point peace plan kan US orog na an soboot pagbabago kan teritoryo o hangganan, asin limitasyon sa numero kan sandatahang lakas kan Ukraine, maski na an nasambitan ng plano an igwang mga elemento na importante para sa sarong makatarungan asin panghaluyang katoninongan.
Nakatalaang mag-urulay an mga opisyal kan seguridad gikan sa Britain, France, Germany, US, asin Ukraine sa Geneva, Switzerland ngunyan na semana tanganing pag-urulayan an nasambitan ng ulayan.
Nagtao man nin pahayag si Zelenskyy sa saiyang social media account na kaipuhan an katoninongan, asin pigtatawan-importansiya ninda an mga paghihingowa ni Trump asin kan saiyang grupo na obhetong ibweltada an seguridad sa Europa.
Sinaysay man kan mga opisyal kan US sa saindang kaalyado sa North Atlantic Treaty Organization (NATO) na piglalaoman nindang matugot si President Volodymyr Zelensky kan Ukraine sa kasunduan sa mga maabot na aldaw asin igwang kaakibat na patanid na hahampangon kan Kyiv an mas malalang sitwasyon kun magsayuma ini.
