Naglobo sa bagong record high an utang kan gobyerno kan Pilipinas kan nakalihis na katapusan kan taong-2024 sa pagluya kan ekonomiya, basado sa datos na ipigluwas kan Bureau of the Treasury.
An natatadang utang kan pambansang gobyerno an mapakol sa P16.5 trillion, naglangkaw nin 9.8% o P1.44 trillion, gikan sa P14.62 trillion kan nakalihis na katapusan kan taong-2023.
Sinaysay kan Treasury na an bulanag paglangkaw sa stock nin utang kan gobyerno an panalmingan sa net issuance asin availment kan domestic asin external debt.
Siring man an revaluation effect kan peso depreciation kontra sa US dollar.
An domestic debt kan nasyon an mapakol sa P10.93 trillion, naglangkaw nin 9.1% gikan sa P912.49 billion kan nakalihis na taon kan mag-isyu an gobyerno nin mga debt securities tanganing padakulaon an kaban kaini.
Huli digde, an debt-to-GDP ratio an nag-abot sa 60.7%, bahagyang labi sa itinalaan na target na 60.6 kan gobyerno sa irarom kan Medium-Term Fiscal Framework.
Mientrastanto, an external debt, nagtitinir nin 11.4% hasta P5.12 trillion gikan sa P522.55 billion increase kawsa kan debt availments asin pagluya kan piso kontra dolyar.
Siring man, an guaranteed obligations kan gobyerno an bahagyang nagbaba nin P346.66 billion.
