NAGA CITY- Piglalaoman kan sarong opisyal kan Lokal na gobierno kan Naga na gabos na mga barangay sa syudad an magigin compliance sa mga probisyon na pighahagad tanganing makapasar sa Barangay Seal of Local Governance.
Sa entrevista kan Bombo Radyo Naga ki City Administrator Elmer Baldemoro, sinaysay kaini na nagkaigwa naman nin validation sa mga barangay kan syudad alagad igwa pa nin nagkapira na igwa pa nin kaipuhan na isumiter na requirements.
Tinawan duon man kan opisyal na compliance man an mga ini alagad alagad saro kaya soboot sa mga kaipuhan an pagkakaigwa nin functional na Barangay Council for the protection of children tanganing makapasar digdi.
An mga pigsusukol man digdi an mga programa para sa mga kaakian manunungod sa salud siring kan saindang health and nutrition status; edukasyon, kun an mga aki edad 3-4 years old ba nakakapag klase na sa educare center asin iba pa.
Kabali man digdi an datos kan mga kaakian sa sarong barangay. Sa ngunyan, pinaglalapigotan man kan mga barangay an pagkakaigwa nin flow chart kan mga aktibidad asin proseso kan saindang mga programa tanganing malikayan an mga kariribungan.
