Nagluwas nin patanid ag weather and climate state bureau manungod sa naglalalang peligro kan klima, kun sain an presenteng aktibong Strong El Niño sa Tropical Pacific an nilalaoman na matindi asin magiging Very Strong El Niño sa ultanan kan Setyembre hasta Disyembre 2026.
An matinding kaganapang ini sa klima an nilalaoman mapadagos hasta sa enot na quarter kan 2027, na magdadara nin mas mahalangkaw na temperatura asin mas halaba sa normal na ati kan uran sa manlaen-laen na rehiyon kan Pilipinas.
Tinawan-duon kan mga awtoridad na an halawig na tag-ati na ini a nagpapalangkaw kan peligro kan kakulangan sa tubig, na direktang magbabanta sa mga primerong sektor arog kan agrikultura, seguridad sa pagkakan,enerhiya,kalusugan sa publiko, asin ekonomiya.
Sa ibong kan peligro haloy nang ati asin mainit an panahon, pinagirumdumanan an publiko na an El Niño an dae boot sabihon dagusang mapundo an pag-uran o mawawara nang dagusan an tag-uran.
Madara pa man nin mga biglaan asin paramientas na makukusog na uran an umiiral na Southwest Monsoon o Habagat, kaiba an mga aktibong bagyo, orog na sa mga kanlurang parte kan bansa.
Pig-inkaminar kaini an publiko na magpreparar para sa haloy na tag-ati asin kakulangan sa tubig, mantang nagtitinir na alerto sa mga dae nilalaomang biglaang pag-uran asin pagbaha.
