Pigkanselar kan beteranong singer na si Rod Stewart an nagkapirang show kaini sa US makalihis dapuan nin trangkaso.
Sa saiyang social media account, pig-anunsyar kan 80-anyos na singer an pag-atras asin pag-reschedule kan saiyang show.
Naghagad man ini nin pasensya sa mga fans huli sa insidente asin pigsiertong mabweltada ini sa saiyang show.
Pira sa mga show na nakanselar iyo an duwa sa Las Vegas asin duwa man sa California.
Advertisement
Pigtawan-duon man kan singer na preparado na ini na magperform sa Glastonbury festival na ikukundusir sa huring semana kan Hunyo.
Huring nagperform an beteranong singer kan Mayo 26 sa American Music Awards sa Las Vegas kun saen pigtawan ini nin lifetime achievement awards kan saiyang mga aki.
Advertisement
