Nagpaluwas na nin pahayag si Vice Pres. Sara Duterte makalihis an pag-impeach sa saiya kan Kamara.
Ini an makalihis na magboto an 215 kongresistang pabor sa impeachment complaint kontra sa bise presidente kan nakalihis na aldaw nin Miyerkules.
Ginibo ninda ini sa huring aldaw mismo kan sesyon kan Kongreso. Tulos man na nai-transmit an complain tangani na isalang sa impeachment trial kan Senado.
Alagad posibleng sa Hunyo na ini puonan kan halangkaw na kapulungan, alinsunod sa pahayag ni Senate President Francis “Chiz” Escudero.
Sa saiyang pahayag, sinabi ni VP Duterte an mga katagang “God save the Philippines.” Ini huli sa malala na soboot an sitwasyon kan nasyon gikan sa kamot kan mga opisyal na nang aabuso sa kapangyarihan.
Pighurot man kaini na dae man nagibong pagbantaan an buhay ninda President Ferdinand R. Marcos Jr., First Lady Liza Marcos, asin man ki House Speaker Martin Romualdez asin magin an mga myembros kan Kamara sana soboot an nagsasabi na nagbanta ini.
