Nag-waive kan saiyang pribilehiyo para sa parliamentary courtesy si Vice President Sara Duterte sa saiyang paghampang sa budget hearing kan House Committee on Appropriations sa 2026 proposed budget kan Office of the Vice Preasident (OVP) kan nakalihis na Martes, Setyembre 16.
Antes na puonan kan mga lehislador an interpelasyon sa Bise Presidente, nilinaw ni Davao City 3rd District Rep. Isidro Ungab sa saiyang manifestation an soboot napagbotohan kan Biyernes na paggawad nin parliamentary courtesy sa Bise Presidente komo haloy nang tradisyon para sa mga haralangkaw na opisyal kan ggobyerno.
Sinimbag man ini ni House Committee Vice Chairperson Rep. Jose Alvarez na mayong napagbotohan asin pighurot na “bigo sobot mabanga an Kamara”.
Liwat man na pighurot ni Ungab na nagkaigwa nin botohan, asin digde man nilinaw ni Rep. Alvarez na naghagad an Minority na mag-interpellate sa Bise Presidente asin nasa prerogatibo na ni VP Sara kun iwi-waive kaini.
Pighapot man ni House Committee on Appropriations chairperson Rep. Mikaela Suansing si VP Sara asin digde nag-waive an Bise Presidente sa saiyang pribilehiyo para sa parliamentary courtesy asin sinimbag an mga kahaputan kan mga lehislador.
Nagin mainit na urulay an paggawad kan nasambitan ng parliamentary courtesy sa OVP makalihis mag uyon an Minority kan Biyernes, sa paagi kaya ni Senior Deputy Majority Leader asin man Caloocan 2nd District Rep. Edgar Erice sa Majority na nagpopromisa sa pagmamantinir kan tradisyon sa haralangkaw na opisyal kan gobyerno.
Bagaman tinutulan ini ni ACT Teachers Partylist Rep. Antonio Tinio asin hinamon an Bise Presidente na i-waive an nasambitan ng courtesy asin simbagon an mga kahaputan katakod sa pondo kan saiyang opisina.
