Kinumpirma kan Malacañang kan Miyerkules na naghagad nin permiso si Bise Presidente Sara Duterte sa Office of the President na magbiyahe sa limang nasyon puon Abril 23 hasta Mayo 15.
Segun ki Executive Secretary Ralph Recto, naghagad an Bise Presidente sa travel authority na magbisita sa Netherlands, South Korea, Belgium, Germany, asin United Kingdom.
Kinumpirmar man ni Recto na nagpaluwas nin dokumento an Office of the President na may petsang Abril 22 na nag-aapruba sa kahagadan ni Sara Duterte.
Base sa nasabing dokumento, pigtutugutan an byahe mantang siya nasa leave of absence asin dae magkakaigwa nin ano man na gastos sa gobyerno.
Nakalaag man sa bagong travel authority sa pagbiyahe na pigribayan sa anuman na nakaaging personal na pagbiyahe, na an boot sabihon kun igwa nin nakaaging permiso sa pagbiyahe o awtoridad na ipinaluwas para sa parehong pagbiyahe o lokasyon, dai na ini magigin balido kun igwa nin bagong dokumento.
Sa ngunyan, mayo pa nin kopya kan nasabing dokumento an nailuwas kan Malacañang.
