Nanindugan si Senator Francis ‘Tol’ Tolentino na dapat gibuhonng simple asin madaling maintindihan kan karaniwang Pilpino an weather advisories kan state weather bureau para mas makapreparar an mga komunidad sa mga papaabuton na bagyo.
Sigun ki Tolentino, buhay an nakataya kada lalamasahon kan bagyo kaya dapat sana soboot na pasimplehon asin ibaba sa lebel na maintindihan kan masa an ma report kan state weather bureau.
Pigmungkahi kan senador sa ahensiya na makipagtabangan sa linguistics experts kan Unibersidad kan Pilipinas, sa mass media asin eksperto sa komunikason tanganing mas maintindihan kan karaniwang Pilipino an mga report asin abiso kan ahensiya.
Dugang pa kaini, pigbusol man ni Tolentino an mahigot na kooperasyon sa tahaw kan Local Government Units (LGUs), siring man sa tahaw kan gobyerno asin pribadong sektor para sa paggamit kan mga rekursong kaipuhan sa pagresponde sa mga sakuna.
Pigmungkahi man kaini sa Department of Public Works and Highways (DPWH) na makipagtabangan sa mga pribadong contruction firms tanganing mas marekas na makapagpadara nin heavy equipment, siring kan backhoes asin bulldozers sa mga naapektarang lugar.
Ini para sa tulos na paglilinig kan mga tinampo o tulay na nabarahan kan mga nagguhong daga asin gapo, tangani man na makaagi an rescuers asin relief teams.
Soboot, dapat pigkonsiderar an nasambitan ng mga lakdang sa orog na madaling panahon, orog pa mas madalas asin nagkukusog an mga bagyong nag-aagi asin nanlalamasa sa nasyon.
