Nag-alay nin pangadyion an mga biktima kan Super Typhoon Yoland para sa dagusan na pagrahay ni Pope Francis.
Sigun ki Archbishop John Du kan Archdiocese of Palo, Leyte, an pagbulos nin pangadyion para sa Santo Papa an pagpapahiling kan saindang pagpadangat asin pasasalamat sa saiya.
Marurumduman na nagbisita an Santo Papa sa Tacloban City asin Palo, Leyte kan nakalihis na 2015 asin hinampang an mga biktima kan supertyphoon.
Hurot kan Arsobispo, nagdara si Pope Francis nin paglaom asin pagkasararo sa mga komunidad na naapektaran kan makusog na bagyo, asin an saiyang presensiya kaidto an nagpagiromdom sa mga biktima na dae sinda solo sa saindang pagrahay asin liwat na pagbuhat.
Mapadagos soboot an saindang pangadyi asin pag-alay nin misa, kaibahan an mga mananampalataya gikan sa arsobispo kan Palo para sa dagusan na pagrahay kan Santo Papa komo pagpapahiling kan saindang pagpadangat asin pasasalamat sa saiya.
Enero-15 hasta 19, 2015 kan magbisita si Pope Francis sa Pilipinas kun saen parte kan saiyang nakatalaang pagbisita an pakikipaf-ulay sa mga biktima kan supertyphoon Yolanda.
Nagtitinir sa Gemelli Hospital an Santo Papa puon kan enot ining dinara kan nakalihis na Pebrero-14 sa respiratory illness.
