Nagsunad nin petisyon an grupong Kaya Natin! Youth sa Korte Suprema tangani hamunon an constitutionality kan Republic Act 12232, o ley na nagpapauktaba sa papaabuton na December 2025 Barangay and Sangguniang Kabataan elections (BSKE).
Sa sarong pahayag, an legal counsel kan grupo na si Atty. Emil Marañon, nagsangat nin petisyon para sa certiorari, prohibition asin mandamus na naghahamon sa RA 12232, kapareho kan petisyon na pigsangat kan beteranong abogado sa eleksyon na si Romulo Macalintal kan Agosto 15.
Pinalawig kan RA 12232 an termino kan mga barangay asin opisyales kan SK puon tulong taon pasiring sa apat na taon, rason tangani ipauktba man an masunod na BSKE sa enot na Lunes kan Nobyembre 2026. Tunukoy kan grupo an 2023 Macalintal v. Commission on Elections (Comelec) na desisyon na nagdedeklara kan pagpauktaba kan 2022 BSKE na bakong konstitusyonal.
An desisyon nagsabi na an pag-uktaba dapat na suportaran nin “supisyenteng, substansyal, o nakakapukaw na mga rason tanganing maprotehiran an deretsos sa pagboto.”
Mantang an Kongreso, sa irarom kan 1987 na Konstitusyon pwede talagang magpalawig kan term of office kan barangay asin SK officials, an retroaktibong aplikasyon kan mga probisyon na nagpapahalawig kan termino kan RA 12232, dae itinotogot sa desisyon kan Macalintal v. Comelec 2023. Susog sa mga petitioners, huli sa pag-uktaba, duwa sainda an mawawaran nin deretsor na magdalagan sa SK asin an saro mawawaran nin deretsos na magboto sa mga posisyon sa SK.
An postponement mabayolar sa konstitusyonal na deretsos kan mga petitioners sa pagboto, asin an saindang pubasic human right sa tunay, asin regular na eleksyon siring sa maninigong midbid kan internasyonal na leygrupo. Sinabi ni Marañon na hinahagad man kan petisyon sa SC na gamiton an mga term-lengthening provisions sa mga nanggana sa December 1, 2025 BSKE.
