Nanggana si Zoe Saldana sa Oscar para sa best supporting actress huli sa saiyang piggampanan na karakter sa psychedelic narco-musical na Emilia Perez.
Nominado man para sa nasambitan ng awards si Ariana Grande para sa Wicked, Isabella Rossellini para sa Conclave, Monica Barbaro para sa A Complete Unknown asin Felicity Jones para sa The Brutalist.
Marurumduman, antes an Emilia Perez, enot man ining nagsabak sa karakter na si blue Na’vi princess kan Avatar franchise asin an reformed assassin na Gamora sa Guardians of the Galaxy.
Alagad sa Emilia Perez, an Dominican asin Puerto Rican actress nagpahiling kan saiyang talento sa musika, pagra-rapped sa saiyang native na lenggwahe na Spanish.
An papel man kan nasambitan ng aktres sa Emilia Perez iyo si Rita, sarong Mexican attorney kun saen nagbago an saiyang buhay makalihis na kontakon kan drug lord tanganing pekeon an pagkagadan kaini asin magsairarom sa surgery siringman mabuhay komo babae.
Labi man an pasasalamat ni Saldana sa nareseber na awards siringman sa mga nagsuporta sa saiya para maabot an pigmamawot sa buhay.
