NAGA CITY- Gadan an sarong lalaki makalihis na pagbabadilon sa Sariaya, Quezon.
Binisto an biktima na si Alyas Joe, 32-anyos asin residente kan Sitio Tinong, Brgy Bignay 1, sa nasambitan ng banwaan.
Sa nagunong impormasyon kan Bombo Radyo Naga sa Quezon Police Provincial Office, napag-araman na mantang nagpepreparar an biktima para magtrabaho kan bigla na sanang mag-abot an suspek na binistong si alyas Bars, nasa legal na edad asin residente man kan Brgy Lutucan 1.
Digdi man, basang na sanang pinagbabadil kan nasambitan ng suspek an biktima na nagresulta sa pagkagadan ni Alyas Joe.
Mientrastanto, padagos pa an pigsasagibong imbestigasyon kan mga otoridad dapit sa nasambitan ng insidente, siringman an pagsusugo sa suspek na tulos nagdulag pasiring Lutucan Guis-Guis main road makalihis isagibo an krimen.
