Katuyuhan kan lokal na Feria De Camarines na pakusugon an mga Micro, Small, asin Medium Enterprises o MSMEs.
Sa intrevista kan Bombo Radyo Naga ki Jay Percival Ablan, Provincial Director kan DTI Camarines Sur, sinaysay kaini na kan nakalihis na taon, 130 partisipantes an nagpartisipar sa fair n asin nakarekord nin labi sa ₱1.6 million an benta. Ngunyan na taon, target kan mga organisador na maabot an ₱2-M.
Tinawan nin duon ni Ablan an importansya kan seguridad asin kalidad kan produkto. An mga MSMEs kaipuhan na magkaigwa nin Lisensya sa Pag-operar gikan sa FDA, magsunod sa Marahay na mga Gawi sa Paggibo, asin seguradohon na an mga pakete asin mga tatak susog sa mga pamantayan. Katuyuhan kaini na masiguro an kaligtasan kan konsumidor asin mamantenir an integridad kan peryahan.
An fair nagseserbing plataporma nin inspirasyon para sa mga negosyante. Digdi ninda maipapahiling an saindang mga produkto, mamidbid an mga lokal na parabakal, asin makabilog nin mga pakikipagtabangan tanganing maotob an mas darakulang order. Saro man ining paagi tanganing mapakusog an suporta kan publiko sa mga lokal na produkto.
Sigon ki Abalan, an lokal na perya bako sanang nagdadara nin ingreso imbes nagbubukas man nin mas dakul na oportunidad para sa mga MSMEs. Patunay ini na an sadiri tang mga produkto padagos na pigbibisto asin pigpapahalagahan kan satong mga kahimanwa.
