NAGA CITY- Arestado an sarong drug personality sa isinagibong drug buy bust operation kan pinagsarong pwersa kan Lupi, Sipocot asin Ragay PNP sa Brgy. Poblacion, Lupi, Camarines Sur.
Binisto an naarestar na si Jeric Martinez, 22 anyos, tubong Ragay, Camarines Sur.
Sa entrevista kan Bombo Radyo Naga ki PSI Alex Sumayao, pamayo kan Lupi PNP, sinaysay kaini na nagsagibo suboot sinda nin operasyon laban ki Martinez na nagin ugat kan dagos kaining pagkakadakop.
Nakumpiskar sa suspek an sarong sachet kan pinagtutubudang shabu, duwang P1,000 bill na ginamit komo marked money, sarong cellphone, asin sarong motorsiklo.
Sa ngunian, nasa kustudiya na kan Lupi PNP an suspek para hampangon an kasong pagbalgar sa RA 9165 o an Comprehensive Dangerous Drugs Act of 2002.
