NAGA CITY– Gadan an saro katao mantang iridu an kaibanan kaini makalihis sumalpok an sarong motorsiklo sa ten wheeler truck sa Brgy Taguin, Macalelon Quezon.
Binisto an nagadan na si Angelo Mortega, 23-anyos mantang iridu man si Romnick Orellinida, 23-anyos.
Sa nakuang impormasyon kan Bombo Radyo Naga, napag-araman na mantang pigbabagtas kan sarong motorsiklong mimanameho ni Orellinida an kalabaan kan tinampo sa nasambitan ng lugar kaibanan an backrider na si Mortega kan aksidenteng mahagop an sarong ten wheeler truck na minamaneho ni Remar Ampeloquio, 29-anyos.
Nagsapo nin lugad sa manlaen laen na parte kan saindang lawas an nasambitan ng mga persona na tulos man na idinalagan sa ospital alagad idineklara nang dead on arrival kan mga doktor si Mortega.
Sa ngunian, nagpapadagos pa an pigigibong imbestigasyon kan mga otoridad dapit sa nasambitan ng pangyayari.
