NAGA CITY– Gadan an sarong babae mantang irido man an tolong iba pa sa banggaan kan sarong motorsiklo asin van sa Brgy. Salvacion, Pamplona, Camarines Sur.
Sa entrevista kan Bombo Radyo Naga ki P/Insp. Greg Bascuña, hepe kan PNP Pamplona, binabagtas suboot kan tricycle na minamaneho ni Oscar Abines an kalabaan kan
tinampo sa nasambitan ng lugar kan bigla ining mabangga kan kasunudan na van na minamaneho ni Nelson Juanillas, 47-anyos.
Nagtagilid pa suboot an tricycle kaya naiapon pa an driver asin an tolong pasahero kaini na nagsapo nin lugad sa manlaenlaeng parte kan saindang lawas.
Tulos idinalagan sa ospital an tolong pasahero kabale na an singko anyos na aki alagad idineklara nang dead on arrival kan mga doktor an saro sa mga babaeng biktima.
Sa ngunian nagtitinir na sa kustodiya kan mga otoridad an driver kan van para sa maninigong disposisyon.
