Ipiglunsar na ni US President Donald Trump an $1 million gold card immigration visas para sa mayayamang dayuhan.
Mataong dalan an nasambitan ng gold card sa mga buyer nin “direct path” para sa Citizenship kan gabos kan kwalipikado asin nasuring marhay na mga indibidwal, sigun sa US President.
Enot ng pig-anunsyar an Trump Gold Card sa enot na parte kan taong ini.
Basado sa official website kan nasambitan ng immigration visa, an gold card an sarong US visa na iginawad sa mga nagpapahiling na igwang kakayanang magtao nin “substantial benefit” sa Amerika.
Tanganing makakua nin Trump gold card, magpasiring sana sa website kan Trump Gold Card.
Nakasaysay sa website an proseso kun saen kaipuhang magsumiter nin aplikasyon asin igwang non-refundable processing fee sa Department of Homeland Security (DHS) na $15,000.
Pagkatapos mag-apply, susurion nin marhay kan US Citizenship and Immigration Services an background kan aplikante asin sa oras na maaprobaran, kaipuhang magtao nin contribution na $1 million asin pwede nang magin available an Trump Gold Card tanganing magamit sa gabos kan 50 estado asin territories kan Amerika asin makakaresebir nin US residency sa “record time”.
An paglulunsar nin gold card an sa tahaw kan pagpapahigot pa kan US sa saindang immigration crackdown kaibahan an umento sa work visa fees asin pagpapadeport sa mga dae dokumentadong migrante.
