NAGA CITY – Patay na nang matagpuan ang isang mangingisda habang tadtad nang saksak sa Zone 3, Brgy Inapatan, Nabua, Camarines Sur.
Kinilala ang biktima na si Joselito Yee, 37-anyos, residente ng nasabing lugar.
Sa nakalap na impormasyon ng Bombo Radyo Naga sa Camarines Sur Police Provincial Office (CSPPO), napag-alaman na natagpuan na lamang nila Ricardo Lacardo at Pio Estrebello ang nakahandusay at wala ng buhay na bangkay ng biktima na punong-puno ng saksak.
Sa inisyal na imbestigasyon ng mga otoridad, nakita umano ng isang saksi ang tatlong hindi pa nakikilang mga suspek na nakasuot ng tube mask habang sakay ng isang bangka.
Sa ngayon, nagpapatuloy ang isinasagawang imbestigasyon ng mga awtoridad hinggil sa nasabing insidente.
