NAGA CITY- Arestado ang isang 17-anyos na lalaki matapos na isagawa ang buy-bust operation sa Atimonan, Quezon.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na una ng nakabili sa suspek ang isang pulis na nagpanggap bilang poseur buyer ng isang sachet nin pinaniniwalaang shabu.
Sa inisyal na imbestigasyon ng mga otoridad, napag-alaman na nakumpiska sa suspek ang apat na sachet ng pinaniniwalaang shabu at mga drug paraphernalia.
Sa ngayon, nasa kustodiya na ng mga otoridad ang suspek para sa karampatang disposisyon.
