NAGA CITY– Arestado an limang drug personality sa ginibong operasyon kontra ilegal na droga kan Philippine Drug Enforcement Agency (PDEA)-Camarines Sur sa Barangay Del Rosario, Canaman, Camarines Sur.
Sa entrevista kan Bombo Radyo Naga ki Agent Pongs sinaysay kaini na nagkondusir sinda nin anti- illegal drug operation sa nasambitan ng lugar na naging rason kan tulos na pagkakadakop sa limang drug personalities.
Alagad pinurbaran pa suboot magdulag kan saro sa mga suspek na si Bryan Cesare Pederio, paratukdo sa Bataan Elementary School sa Tinambac, Camarines Sur, tulos man nadakop kan mga otoridad.
Sigon ki Agent Pongs, haloy na nindang minamanmanan an nasambitan ng grupo kun sain ginbo kaining drug den an nakasanrang harong ni Pederio ki Salvador Alegre Jr., alias “tatay” na saro man sa limang drug personalities.
Dugang pa kaini, dai man suboot nagsuko sa oplan tokhang an mga nasambitang suspek.
Sa ngunian, nasa kustudiya na kan PDEA-CamSur an mga naarestong suspek mantang pinepreparar na an patong-patong na kasong isusunad kontra sa mga ini.
