NAGA CITY- Arestado an 13 katao sa operasyon kan Philippine Drug Enforcement Agency (PDEA) sa sarong drug den sa Barangay San Juan, Baao, Camarines Sur.
Sa entrevista kan Bombo Radyo Naga kay Agent Vidal Bacolod kan PDEA-CamSur, sinabi kaini na ipinasairarom ninda sa operasyon an limang indibidwal na sinda Arnel Gil, Liezel Gil, Honey Gil, Mik-Mik Bayta, asin Romulo Barayoga.
Apwera sa nasambitan ng mga suspek, naabotan man ninda an 9 katao na soboot bisita sa lugar na tulos man na inarestar.
Narekober sa mga suspek an nasa 400 gramong tigtutubudang shabu na maabot sa labi P1-M an kantidad.
Segun ki Bacolod, haloy na nindang binabantayan an nasambitan ng drug den.
Sa ngunyan nasa kustodiya na kan mga otoridad an mga suspetsado mantang pighahanap pa si Barayoga na nakadulag sa tahaw kan operasyon.
