Segun sa Philippine National Police (PNP), aabot na sa 15 an nasabing nagadan huli sa habagat.
Sinabi kan PNP Public Information Office Chief Col. Allen Rae Co, duwa an naitalang nagadan kan Police Regional Office 1 huli sa pagkakakuryente asin pagkalamos.
Pito naman an nagadan sa Region 4A huli sa rockfall o landslide, pagkalamos, pagkakuryente asin pagkakatumba kan puno.
Mientrastanto, anom an naitalang nagadan kan Police Regional Office Cordillera huli sa landslide.
Kabali sa mga lugar na naitala an mga insidente sa La Union, Pangasinan, Rizal, Batangas, siring man sa La Trinidad, Benguet asin Baguio City.
Mientrastanto 13 naman an injured asin anim an nawawara.
Igwang lampas 3,000 na pulis an nakakalat ngunyan para sa nagpapadagos na response operations sa mga lugar na apektado kan habagat.
