Pinakinabangan kan labi sa 16,000 minimum wage earners an nationwide rollout kan programang “Benteng Bigas Meron (BBM) Na para sa mga Minimum Wage Earners,” sigun sa Department of Labor and Employment (DOLE).
Obheto kan programang ini na matawan nin baratong bagas para sa mga obrerong nag-aako nin minimum na sahod komo tabang sa pag atubang sa epekto kan halangkaw na presyo kan barakalon asin man inflation.
Sigun ki DOLE Officer-in-Charge Benjo Santos, nasa kabilogang 16,126 na mga obrero gikan sa 100 establisimyento sa bilog na nasyon an nakinabang sa programa.
Poco mas o menos 800 rank-and-file na obrero sa pantalan an nakabakal nin tig-limang kilo kan bagas kada saro sa Manila Harbor Center sa Tondo, Maynila kan nakalihis na Biyernes.
Ang paglunsar kan programa an pinangenutan ni Department of Agriculture Secretary Francisco Tiu Laurel Jr. Sigun ki Santos, ini an promisa kan Presidente na dae nuarin man napapako kundi sarong ganap na katupadan.
Orihinal na nakatuon an programa para sa mga vulnerable sector siring kan mga senior citizen, persons with disabilities (PWDs), mga solo parent, asin mga benepisyaryo kan Pantawid Pamilyang Pilipino Program (4Ps).
