180 Tonelada nin basura sa Naga, natipon kan SWMO makalihis an Bagong Taon

BOMBO NAGA- Maabot sa 180 tonelada nin mga basura an natipon ngonyan kan Solid Waste Management Office (SWMO) makalihis an pagselebrar kan bagong taon sa ciudad nin Naga.

Sa entrevista kan Bombo Radyo Naga ki Engr. Joel Martin, head kan SWMO, sinaysay kaining maabot sa 14 dumptrucks kan SWMO an ginamit para sa marikas na paglilinig sa bilog na ciudad kun saen nasa 180 tonelada suboot nin basura an saindang nahakot.

Tinawan doon ni Martin na nakaapektar an nasambitang volume nin basura sa trapiko sa manlaen laeng lugar sa ciudad.

Mientrastanto, sigon ki Martin, nilalaoman na ninda an tone-toneladang mga basura sa mga darakulang okasyon arog na sana kan kapaskuhan asin Bagong taon.